Alí onde me ves
- Vanesa Escariz
- 27 abr 2015
- 1 Min. de lectura
Alí, onde ves as palabras malinterpretadas
alí onde as ves
estou eu
odiándome
por todo aquilo que non podo reparar.
Alí, onde me ves
conto os intres nos que non fuxín a tempo
e os golpes dignos das películas de acción,
quizais tamén dalgunha de drama.
Alí, onde só ves escuridade
brilan os opacos das ausencias
brilan os amigos perdidos e por perder
as causas inviables.
Alí, onde me ramifico en feras
non existen valos capaces de conterme
e os berros por todo o vivido e non vivido
son tan reais que...
Alí, onde ves as palabras malinterpretadas
alí onde as ves
estou eu
queréndome
por todo aquilo que non podo reparar.
Queréndome
e ti
queréndome tamén,
no falsificable escuro.
Comentarios