Situación sentimental: é complicado

Agardaron impacientes unha nova conversa,

ensimesmados diante da luxuriosa pantalla.

Pulsaron con agarimo involuntario cada tecla.

Escribiron con silandeiro querer cada palabra.

Leron interesados,

os detalles máis íntimos do último xantar,

mentres repasaban as derradeiras fotografías publicadas.

Intercambiaron gustosos os máis recónditos segredos.

Descifraron sensuais insinuacións entre liñas.

Confundiron, tristes descoñecidos,

verbas de amor, con verbas de falsos amigos;

entre risas finxidas e apócopes case inintelixibles.