Atknavima
As palabras máis bonitas non son suficientes.
Podemos inventalas novas.
Xogar coas regras ortográficas
e mesturar idiomas e grafías.
Coller os absurdos das sopas de letras
e ver as películas do revés
con intencións conspirativas.
Podemos traducir os cantos dos paxaros,
o idioma das algas,
de tódolos peixes...
Os cantos de balea.
Quizais sexa necesario tamén
viaxar a outras galaxias
e aprender as linguas dos extrarrestres.
Intercambiar os símbolos
e eliminar todos aqueles signos de interrogación
para evitar a fatalidade
e mellorar o verso...
...que te contén
e que intenta describir
o que o corazón non pode
por falta de beizos.