Da realidade
Os medios de comunicación non falan,
mais estase a propagar unha nova glaciación
entre os que cimentan a súa voz na ignorancia.
Apalpan o mundo coas luvas postas,
co corazón no chan se deitan e levantan
e o buraco do peito conservado ben frío,
sepultura das ideas que ficarán conxeladas.
Hai tempo que podrecen nas súas mentes
as flores da tolerancia que regaban outrora.
Tempo querendo mirar o mundo
con ollos de vidro opaco...
Xustificando o inxustificable.
(medo)